Cyfarwyddiaethau: Tystiolaeth, Polisi a Thrwyddedu
Tîm: Prosiectau Natur a Dŵr
Lleoliad: Hyblyg
Cyflog: £45,367 – £50,877
Patrwm gwaith: Llawn amser
Math o gytundeb: Penodiad Cyfnod Penodol (FTA)
Dyddiad cau: 02/11/2025

Y rôl

Ydych chi’n angerddol am ddiogelu ein hamgylcheddau naturiol mwyaf gwerthfawr? Mae hwn yn gyfle unigryw i arwain gwaith trawsnewidiol i wella ansawdd dŵr ar draws Ardaloedd Cadwraeth Arbennig yng Nghymru.

Fel y Prif Ymgynghorydd ar gyfer gwella ansawdd dŵr, byddwch yn chwarae rhan ganolog yn y gwaith o gyflawni prosiect maetholion yr Ardal Cadwraeth Arbennig. Gan weithio’n agos gyda’r Rheolwr Prosiect ac arweinwyr llif gwaith eraill, byddwch yn helpu i lunio a gweithredu atebion arloesol i fynd i’r afael â llygredd maetholion ac ysgogi ymyriadau sy’n seiliedig ar natur.

Bydd eich gwaith yn cwmpasu’r canlynol:

• Niwtraliaeth o ran maethynnau a dulliau yn seiliedig ar y dalgylch
• Cydlynu Byrddau Rheoli Maethynnau
• Dylunio a chyflawni mesurau lliniaru i wella ansawdd dŵr mewn Ardaloedd Cadwraeth Arbennig afonol a morol

Byddwch yn sicrhau aliniad â chydrannau afonydd a’r môr o Raglen Maethynnau yr Ardaloedd Cadwraeth Arbennig, gan ddiogelu cyfrifoldebau cyfreithiol Cyfoeth Naturiol Cymru o dan y Gyfarwyddeb Cynefinoedd a’r Gyfarwyddeb Fframwaith Dŵr.

Yn y rôl cynghorydd arbenigol hon, byddwch yn:

• Datblygu a llywio ffrwd waith ar gyfer gwella ansawdd dŵr
• Adeiladu ar y sylfeini a osodwyd gan brosiect afonydd yr Ardal Gadwraeth Arbennig i nodi a gweithredu ymyriadau effeithiol
• Arwain y gwaith o greu polisi, strategaeth a chanllawiau Cyfoeth Naturiol Cymru ar reoli maethynnau ac ansawdd dŵr mewn safleoedd a ddynodwyd fel Ardaloedd Cadwraeth Arbennig

Dyma gyfle i wneud effaith barhaol ar ddyfroedd mwyaf gwerthfawr Cymru o ran ecoleg, gan weithio ar flaen y gad i ddiogelu ac adfer yr amgylchedd.

Fel sefydliad rydym yn cefnogi gweithio hyblyg. Byddwch yn cael eich contractio i’r swyddfa agosaf at CNC i’ch cartref a chytunir ar batrwm gweithio hybrid addas ar apwyntiad. Bydd unrhyw gyfarfodydd neu hyfforddiant wyneb yn wyneb rheolaidd yn cael eu cynllunio ymlaen llaw.

Mae’r swydd hon yn swydd cyfnod penodol hyd at 31 Rhagfyr 2026. Mae’n bosibl y caiff y penodiad hwn ei ymestyn neu y daw’r swydd yn un barhaol yn ddiweddarach, ond ni ellir gwarantu hyn.

I wneud ymholiad anffurfiol am y rôl hon, cysylltwch â / ag Marc Williams at Marc.Williams@cyfoethnaturiolcymru.gov.uk    

Bydd cyfweliadau’n cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i’r dyddiad cau. 

Amdanom ni

Mae’r rôl hon yn rhan o’r Tîm Prosiectau Dŵr a Natur yn y Grŵp Dŵr a Natur Cynaliadwy. Byddwch yn gweithio ar y cyd â chydweithwyr o dimau a chyfarwyddiaethau eraill ar draws Cyfoeth Naturiol Cymru (CNC), a chyda Llywodraeth Cymru a phartneriaid traws-sector eraill ar lefel Cymru a’r DU. Bydd hyn yn helpu i sicrhau bod y rhaglen waith gymhleth ac uchel ei phroffil hon yn cael ei chyflawni.

Tîm newydd yw hwn a fydd yn cyflwyno strategaethau newydd sy’n ymwneud â phroblemau ansawdd dŵr mewn ardaloedd gwarchodedig.

Yr hyn y byddwch chi’n ei wneud

• Arwain y gwaith o ddatblygu a darparu cyngor ac arweiniad i’r Byrddau Rheoli Maethynnau ledled Cymru i sicrhau cysondeb; sicrhau nad yw dyletswyddau cyfreithiol CNC mewn perthynas â Chyfarwyddebau Cynefinoedd a’r Gyfarwyddeb Fframwaith Dŵr yn cael eu peryglu; a sefydlu trefniadau llywodraethu priodol.
• Arwain y gwaith o ddatblygu a darparu cyngor ac arweiniad ar agweddau cymhleth ar wella ansawdd dŵr er mwyn sicrhau niwtraliaeth a gwelliant.
• Meddu ar y gallu i ddosbarthu data a gwybodaeth dechnegol gymhleth i amrywiaeth o gynulleidfaoedd, o’r sawl sy’n hyddysg mewn technoleg i’r sawl nad ydynt yn gyfarwydd â thechnoleg. Bydd enghreifftiau o hyn yn amrywio o adroddiadau data dosraniad ffynonellau i fethodoleg a chanlyniadau cyfrifianellau maethynnau.
• Cefnogi’r gwaith o ddatblygu offer a gweithdrefnau i hwyluso’r atebion sydd eu hangen i sbarduno gwelliannau ansawdd dŵr mewn dalgylchoedd afonydd.
• Bydd y gwaith yn cynnwys sicrhau y defnyddir dulliau sy’n gyson ag elfennau afonydd a llynnoedd y rhaglen maetholion yr Ardaloedd Cadwraeth Arbennig, ac nad yw dyletswyddau cyfreithiol CNC mewn perthynas â’r Gyfarwyddeb Cynefinoedd a’r Gyfarwyddeb Fframwaith Dŵr yn cael eu peryglu.
• Gweithio gyda sefydliadau perthnasol ledled y DU, gan gynnwys Llywodraeth Cymru a Llywodraeth y DU, ar datrysiadau ansawdd dŵr gan gynnwys ymyriadau fel cyfrifianellau a gwlyptiroedd cydadferol. Cyflwyno datrysiadau sydd wedi’u teilwra i Gymru.
• Disgwylir i’r ymgeisydd llwyddiannus hybu’r broses o gyflawni rhaglen waith CNC yn y maes busnes allweddol hwn.
• Ymgymryd â dyletswyddau a chyfrifoldebau iechyd a diogelwch sy’n briodol i’r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i’ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy’n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

Bydd deiliad y swydd yn gwneud y canlynol:

1. Bod yn arbenigwr ansawdd dŵr sy’n gallu gweithredu ar lefel genedlaethol.
2. Meddu ar wybodaeth dechnegol a phrofiad helaeth mewn egwyddorion ac ymyriadau adfer afonydd a fydd yn cyflawni gwelliannau i ansawdd dŵr yn ogystal â manteision lluosog ehangach i fioamrywiaeth a safleoedd gwarchodedig.
3. Fel arbenigwr, bydd angen i chi fod yn gyfathrebwr ardderchog ac yn gallu dangos sgiliau rhyngberthnasol effeithiol, a bod yn weithiwr tîm cryf.
4. Profiad amlwg o weithio mewn partneriaeth lwyddiannus ar draws amrywiaeth o sectorau gan gynnwys cwmnïau dŵr, tirfeddianwyr, defnyddwyr hamdden, perchnogion tai, awdurdodau lleol, cyrff anllywodraethol amgylcheddol, cynllunwyr a datblygwyr.
5. Mae profiad o reoli data a systemau gwybodaeth ddaearyddol yn ddymunol.
6. Profiad amlwg o reoli prosiectau, gan gynnwys rheoli contractau a chyllidebau a rhaglennu gwaith.

Gofynion y Gymraeg

Hanfodol: A1 – Lefel mynediad

Gofynion y Gymraeg

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Cliciwch yma am fwy o wybodaeth ac i wneud cais.