Lleoliad: Hyblyg
Gradd / Amrediad cyflog: 7: £47,055 – £52,770
Patrwm gwaith: Llawn amser
Math o gytundeb: Parhaol
Lefel hyfedredd yn y Gymraeg C1 – Lefel hyfedredd
Dyddiad cau: 11/01/2026

Y rôl

Dyma gyfle cyffrous i helpu i lunio sut mae diwydiant yn cael ei reoleiddio yng Nghymru, gan arwain ein hymateb i newid hinsawdd ac ysgogi gwelliannau mewn perfformiad amgylcheddol. Fel Cynghorydd Arbenigol Arweiniol yn y Tîm Dulliau Rheoleiddio ar gyfer Safonau a Datgarboneiddio yn Cyfoeth Naturiol Cymru, byddwch yn darparu cyngor arbenigol ar sectorau diwydiannol fel cemegau, hylosgi, metelau, sment a mwynau, a bwyd a diod. Byddwch yn arwain ar ddehongli deddfwriaeth gymhleth, datblygu canllawiau ac offer, a dylanwadu ar bolisi yn y dyfodol i gynnal swyddogaethau rheoleiddio a thrwyddedu Cyfoeth Naturiol Cymru.

Un o’r prif elfennau y byddwch yn canolbwyntio arni yn y rôl yw cefnogi datblygiad y technegau gorau sydd ar gael yn y DU, gan sicrhau bod buddiannau Cymru yn cael eu hadlewyrchu mewn safonau ledled y DU. Byddwch hefyd yn cyfrannu at ddatblygu polisïau a dulliau ar gyfer addasu i newid hinsawdd a’i liniaru ar draws sectorau diwydiant.

Byddwch yn ymuno â thîm bach o gynghorwyr arbenigol sy’n gweithio ar y cyd â chydweithwyr ar draws Cyfoeth Naturiol Cymru, a chyda llywodraethau Cymru a’r DU, rheoleiddwyr eraill, a chyrff diwydiant. Nid oes gan y rôl unrhyw gyfrifoldebau rheoli llinell uniongyrchol, ond mae’n cynnwys cyfleoedd mentora a hyfforddi, ac yn cynnig cwmpas sylweddol i lunio dull Cyfoeth Naturiol Cymru ar lefel genedlaethol.

Mae hon yn rôl waith hyblyg, hybrid, wedi’i lleoli yn unrhyw un o swyddfeydd Cyfoeth Naturiol Cymru yng Nghymru, gan gyfuno datblygu polisi ag ymgysylltu allanol ac arweinyddiaeth prosiectau.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda’ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â / ag Jeremy Walters at Jeremy.Walters@cyfoethnaturiolcymru.gov.uk  

Bydd cyfweliadau’n cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i’r dyddiad cau.

Mae’r rôl hon yn bodloni’r meini prawf ar gyfer nawdd o dan y llwybr fisa i Weithwyr Medrus. Mae Cyfoeth Naturiol Cymru yn croesawu ceisiadau gan y rhai nad ydynt yn ddinasyddion o’r DU sy’n gymwys i wneud cais o dan y llwybr hwn, yn amodol ar gadarnhad gan y Swyddfa Gartref. 

Sylwer, er y gallai fod yn bosib i ni gefnogi’r Dystysgrif Nawdd sy’n ofynnol ar gyfer cais am fisa, nid yw’r sefydliad yn talu cost y fisa ei hun, gan gynnwys unrhyw ffioedd cysylltiedig ar gyfer dibynyddion. 

Rhaid i’r ymgeisydd fodloni Cymhwystra a Gofyniad Fisa ar gyfer Gweithiwr Medrus y DU o hyd. Am ragor o wybodaeth, ewch i:https://www.gov.uk/skilled-worker-visa

Amdanom ni

Cyfoeth Naturiol Cymru yw prif reoleiddiwr amgylcheddol a chynghorydd Llywodraeth Cymru, ac y mae wedi ymrwymo i reoli adnoddau naturiol Cymru yn gynaliadwy. Mae ein cynllun corfforaethol, Byd natur a phobl yn ffynnu gyda’n gilydd, yn nodi tri amcan llesiant:

• Mae byd natur wrthi’n gwella – Atal colli bioamrywiaeth ac adfer ecosystemau gwydn.
• Mae cymunedau’n gallu gwrthsefyll y newid yn yr hinsawdd – Cefnogi addasu a lliniaru i fynd i’r afael ag effeithiau hinsawdd.
• Mae llygredd yn cael ei atal hyd yr eithaf – Lleihau llygredd i amddiffyn a gwella’r amgylchedd.

Mae’r Gyfarwyddiaeth Tystiolaeth, Polisi a Thrwyddedu yn hyrwyddo’r nodau hyn drwy ddatblygu polisi a strategaeth, casglu tystiolaeth, a darparu offer, canllawiau a safonau ar gyfer timau a phartneriaid Cyfoeth Naturiol Cymru.

O fewn y gyfarwyddiaeth hon, mae’r Tîm Datgarboneiddio a Safonau Diwydiannol yn arwain ar ddatgarboneiddio diwydiannol ac yn gosod safonau a pholisi gweithredol ar gyfer sectorau rheoleiddiedig yng Nghymru. Mae hyn yn cynnwys dehongli deddfwriaeth, gweithredu rheoliadau newid hinsawdd, a chynrychioli Cymru ym mhroses y Technegau Gorau sydd ar Gael yn y DU.

Yr hyn y byddwch chi’n ei wneud

• Gweithredu fel y prif bwynt cyswllt ar gyfer cymdeithasau masnach perthnasol yng Nghymru a’r DU, adrannau’r llywodraeth, a rheoleiddwyr amgylcheddol y DU ac Ewrop, er mwyn rhannu gwybodaeth a chydweithio ar ddatblygu polisïau gweithredol a deddfwriaeth newydd, a dehongli deddfwriaeth, cyngor a chanllawiau perthnasol ar gyfer y sector(au) a meysydd cyfrifoldeb penodol.
• Cynnal gwybodaeth ymarferol fanwl am y sector(au) neilltuedig, gan nodi goblygiadau newidiadau mewn deddfwriaeth, technoleg a’r farchnad ar gyfer CNC a’r sector(au).
• Cefnogi datblygiad a hyfforddiant staff ar draws CNC drwy gymhwyso gwybodaeth a phrofiad technolegol, deddfwriaethol a rheoliadol.
• Darparu arweinyddiaeth a rheolaeth o fewn prosiectau ar faterion cymhleth a phenodol, gan gynnwys comisiynau gan y Bwrdd Rheoleiddio Busnes, er mwyn galluogi dealltwriaeth a chymhwysiad cyson a phriodol gan staff sy’n arwain at ddarparu gwasanaethau rheoliadol yn effeithiol.
• Cyfrannu at y gwaith o gyflwyno cynllun busnes y tîm, cynllun cyflenwi’r gyfarwyddiaeth, a chynllun corfforaethol CNC.
• Cefnogi’r gwaith o fentora a hyfforddi cynghorwyr o fewn y tîm er mwyn sicrhau bod gan y tîm wytnwch deddfwriaethol a thechnegol digonol ar gyfer eich maes gwaith neilltuedig.
• Cynghori ar anghenion tystiolaeth a chyfleoedd, comisiynu tystiolaeth a rheoli prosiectau tystiolaeth, yn unol â’r rhaglen dystiolaeth y cytunwyd arni.                                               
• Cynllunio fframweithiau monitro a gwerthuso ar gyfer ymyriadau rheoleiddio i lywio asesiadau o’r angen i wella prosesau rheoleiddiol a thrwyddedu gan CNC. 
• Ymgymryd â dyletswyddau a chyfrifoldebau iechyd a diogelwch sy’n briodol i’r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i’ch datblygiad eich huntrwy ddefnydd effeithiol o eich cynllun datblygu personol (a elwir yn Sgwrs).
• Unrhyw ddyletswyddau rhesymol eraill y gofynnir amdanynt sy’n gymesur â gradd y rôl hon.
• Mae gofyn cymryd rhan mewn gweithgareddau ymateb i ddigwyddiadau 

Eich cymwysterau, profiad, gwybodaeth a sgiliau

Bydd ceisiadau i’r rôl hon yn cael eu hasesu ar sail y meini prawf canlynol wrth lunio rhestr fer a chyfweld. Defnyddiwch y dull STAR i ddangos sut rydych chi’n bodloni’r gofynion a amlinellir isod yn y cais am swydd.

1. Gwybodaeth am ddeddfwriaeth Cymru, y DU a’r UE sy’n gysylltiedig â’ch sector(au) penodol, ac ysgogwyr polisi Llywodraeth Cymru a Llywodraeth y DU yn eich sector(au) penodol.
2. Profiad o lywio a dylanwadu ar adrannau’r llywodraeth / rheoleiddwyr, yn ddelfrydol ar faterion amgylcheddol.
3. Profiad helaeth o ffurfio a chynnal cysylltiadau agos â phartneriaid/rhanddeiliaid mewnol ac allanol i gyflawni canlyniadau tîm/prosiect/swyddogaeth benodol a’r sefydliad ehangach.
4. Profiad o ddeall a chymhwyso egwyddorion gweithgareddau rheoliadol.
5. Y gallu i weithio’n gyflym, a bod â hanes o gyflawni.
6. Bod yn arloesol ac arddangos ysgogiad i gyflawni targedau.
7. Bydd disgwyl i chi feddu ar yr wybodaeth ddiweddaraf am newidiadau mewn polisïau rheoleiddiol a newidiadau arfaethedig i’r ddeddfwriaeth drwy fod yn aelod o gorff proffesiynol perthnasol neu drwy gyfrwng cyfatebol arall.

Gofynion y Gymraeg

• Hanfodol: Lefel C1 – Lefel hyfedredd (rhugl mewn Cymraeg llafar)

Noder: Os nad ydych yn bodloni’r gofynion lefel A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Manteision gweithio i ni

• gweithio ystwyth a hyblyg
• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Cliciwch yma am fwy o wybodaeth ac i wneud cais.