Cynorthwyydd Gweithredol
Sefydledig: Gradd D19 – £35,236 y flwyddyn
Lleoliad: Ty’r Esgob, Upper Garth Road, Bangor LL57 2SS
Math o Gontract: Parhaol
Yn adrodd i: Esgob Esgobaethol
Oriau Gwaith: Llawn amser (34.75 awr yr wythnos)
Mae Esgobaeth Bangor yn chwilio am Gynorthwyydd Gweithredol dwyieithog eithriadol i ddarparu cefnogaeth broffesiynol, ragweithiol hynod gyfrinachol i Esgob Bangor.
Dyma gyfle unigryw i weithio wrth galon un o esgobaethau hynaf a mwyaf arwyddocaol Cymru, gan gefnogi gweinidogaeth, arweinyddiaeth ac ymgysylltiad yr Esgob ar draws cymunedau’r Gogledd-orllewin.
Fel Cynorthwyydd Gweithredol yr Esgob, byddwch yn bartner dibynadwy, gan sicrhau bod swyddfa’r Esgob yn gweithredu’n effeithiol ac yn effeithlon. Byddwch yn cydlynu rhaglen gymhleth o gyfarfodydd, ymweliadau, gwasanaethau a digwyddiadau, yn rheoli gohebiaeth a chyfathrebu, yn paratoi sesiynau briffio ac yn gweithredu fel pwynt cyswllt allweddol i glerigion, staff, gwirfoddolwyr, cynrychiolwyr cymunedol a rhanddeiliaid allanol.
Mae hon yn rôl lawn amser ym Mangor ac mae angen ymrwymiad cryf i gefnogi cenhadaeth a gweinidogaeth yr Eglwys yng Nghymru ar draws yr Esgobaeth.
Bydd y Cynorthwyydd Gweithredol yn gweithio’n agos gyda’r Esgob ar bob agwedd ar fywyd yr esgobaeth, gan ddarparu cymorth gweithredol a gweinyddol o’r radd flaenaf mewn amgylchedd cyflym ac amrywiol.
Mae’r rôl yn gofyn am sgiliau crebwyll, diplomyddiaeth a threfnu rhagorol, ynghyd â’r gallu i ymdrin â materion sensitif a chyfrinachol gyda disgresiwn.
Byddwch yn cyfrannu’n hanfodol at sicrhau bod yr Esgob wedi’i baratoi’n dda, yn wybodus ac wedi’i gefnogi i gyflawni cyfrifoldebau gweinidogaeth, arweinyddiaeth a llywodraethu esgobol.
Hanfodol:
Bydd yr ymgeisydd llwyddiannus yn gallu dangos:
- Rhuglder yn y Gymraeg a’r Saesneg, gyda sgiliau cyfathrebu ysgrifenedig a llafar rhagorol yn y ddwy iaith.
- Y gallu i ddrafftio gohebiaeth a dogfennaeth broffesiynol yn Gymraeg ac yn Saesneg.
- Hyder wrth gynnwys cymunedau Cymraeg ar draws yr Esgobaeth.
- Ymrwymiad i ddarparu presenoldeb hygyrch a gweladwy o fewn Swyddfa’r Esgob.
- Dealltwriaeth dda o gymunedau, diwylliant, treftadaeth a chyd-destun ieithyddol gogledd Cymru.
- Profiad sylweddol mewn rôl uwch weinyddol, cynorthwyydd gweithredol, cynorthwyydd personol neu rôl debyg.
- Trwydded yrru lawn a’ch cerbyd eich hun.
- Y gallu i deithio o bryd i’w gilydd ledled Esgobaeth Bangor ac i fannau eraill o fewn Talaith yr Eglwys yng Nghymru.
Cais
I wneud cais am y swydd hon, cwblhewch y ffurflen gais a’i danfon ynghyd a’ch llythur eglurhaol i’r cyfeiriad e-bost: HR@cinw.org.uk
Dyddiad cau
6 Tachwedd 2026 am 10.00 yb
Dyddiadau Cyfweliad
19 Tachwedd 2026 yn bersonol yn Ty’r Esgob, Upper Garth Road, Bangor LL57 2SS
Lawrlwytho
Disgrifiad Swydd (Word)
