Math o gytundeb: Parhaol
Lefel hyfedredd yn y Gymraeg: B1 – Lefel ganolradd
Dyddiad cau: 19/10/2026

Y rôl

Os ydych chi’n cael eich ysgogi gan waith maes heriol, gweithio yn yr awyr agored, a’r boddhad o weld newid go iawn, bydd y rôl hon yn addas iawn i chi. Fel arbenigwr adfer mawndiroedd yn y Rhaglen Weithredu Genedlaethol ar Fawndiroedd, byddwch yn treulio amser yn rhai o dirweddau gwylltaf Cymru—sydd yn aml yn wlyb, yn aml yn fwdlyd, a phob amser yn werth chweil. P’un a fyddwch chi’n llywio drwy dir grugog dwfn, yn ymdrin â thir corsiog, neu’n gweithio yng nghanol glaw di-baid Cymru, byddwch chi’n gwneud hynny ag amcan: adfer mawndiroedd sy’n hanfodol ar gyfer gwydnwch hinsawdd, bioamrywiaeth, a rheoli dŵr.

Byddwch chi’n gweithio ar brosiectau o’r dechrau i’r diwedd, gan ddatblygu manylebau technegol, sicrhau caniatâd, rheoli cyllidebau, a goruchwylio contractwyr er mwyn sicrhau darpariaeth o ansawdd uchel. Bydd eich gwaith yn cynnwys mapio, tirfesur, a dylunio ymyriadau adfer ar draws tir a reolir gan CNC a safleoedd preifat, gan ddarparu cyngor arbenigol i gydweithwyr, partneriaid, tirfeddianwyr a rhanddeiliaid. Byddwch hefyd yn cyfrannu at y gwaith o fonitro, adrodd a rhannu gwybodaeth wrth i’r Rhaglen Weithredu Genedlaethol ar Fawndiroedd barhau i ehangu, gan adeiladu portffolio treigl o brosiectau ar wahanol gamau yn eu datblygiad.

Gwaith cadwraeth ymarferol yw hwn ym mhob ystyr – mae’n waith heriol, amrywiol, a hynod effeithiol. Dyma’ch cyfle i chwarae rhan allweddol wrth fynd i’r afael â’r argyfyngau hinsawdd a natur, gan weithio gyda thîm brwdfrydig ar draws rhai o dirweddau mwyaf gwerthfawr Cymru.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, ac fe gytunir patrwm gwaith hybrid priodol ar eich penodiad. Bydd unrhyw gyfarfodydd wyneb yn wyneb rheolaidd neu hyfforddiant yn cael eu cynllunio ymlaen llaw.

Mae teithio i wahanol swyddfeydd ac yn aml i leoliadau anghysbell na ellir eu cyrraedd heb allu gyrru yn ofynnol, felly mae trwydded yrru lawn a chyfredol yn hanfodol.

I wneud ymholiad anffurfiol am y rôl hon, cysylltwch â Jake White at jake.white@cyfoethnaturiolcymru.gov.uk neu Nick Young at nick.young@cyfoethnaturiolcymru.gov.uk

Bydd cyfweliadau’n cael eu cynnal o ddydd Llun, 2ail o Dachwedd 2026 ar Microsoft Teams.

Yr hyn y byddwch chi’n ei wneud

• Arwain a chydlynu cyngor a chyfarwyddyd technegol arbenigol o amrywiaeth o ffynonellau; sicrhau bod penderfyniadau yn seiliedig ar farn dechnegol gadarn yn unol â’r ddeddfwriaeth gyfredol a’r arferion gorau.
• Gweithio gydag aelodau eraill o dîm y prosiect, staff eraill CNC, a rhanddeiliaid allanol i gynllunio a datblygu’r rhaglen fanwl o waith adfer safleoedd, gan asesu’r gofyniad technegol ar gyfer amrywiaeth eang o brosiectau adfer, a llunio’r manylebau technegol at ddefnydd y contractwyr.
• Gweithio gyda’r swyddog grantiau a chaffael yn y rhaglen mawndiroedd i dendro a gosod prosiectau mewn modd amserol, ac yn unol â pholisïau a gweithdrefnau CNC.
• Ymgymryd â’r gwaith o oruchwylio contractwyr yn y maes, gan sicrhau cysylltiad â pherchnogion / meddianwyr, staff eraill CNC, a staff partneriaid.
• Sicrhau bod yr holl gydsyniadau angenrheidiol ar gyfer cyflawni prosiect ar waith, gan gynnwys (pan fo’n berthnasol) cydsyniadau rhywogaethau a warchodir gan Ewrop, cydsyniadau SoDdGA, cydsyniadau cwrs dŵr cyffredin, cymeradwyaethau perygl llifogydd, a chydsyniadau cynllunio.
• Datblygu a rheoli nifer o gontractau, gan gynnwys contractau sy’n gorgyffwrdd ac sy’n cwmpasu pob agwedd ar y prosiect, gan sicrhau bod manylebau’r prosiect a’r ddarpariaeth yn gyson ac yn cydymffurfio â pholisi iechyd a diogelwch a chyflawni prosiectau CNC, gan gynnwys glynu wrth y Rheoliadau (Dylunio a Rheoli) Adeiladu pan fo’n berthnasol.
• Cynorthwyo staff eraill CNC i ddylunio, caffael a rheoli contractau adfer mewn achosion pan fo’r staff hyn yn arwain ar gyflawni prosiectau.
• Cadw cofnodion manwl o gynnydd mewn perthynas â gweithredu’r rhaglen i ategu’r system adrodd. Cyflwyno a rhannu canlyniadau a dysgu drwy adroddiadau ysgrifenedig a dulliau eraill.
• Cyfrannu’n rheolaidd at adroddiadau cynnydd a’r wybodaeth ddiweddaraf dan arweiniad rheolwr y rhaglen.
• Gyda chymorth staff eraill CNC a staff partneriaid, llunio profforma asesu a monitro prosiect safonol, a’i hyrwyddo / rhoi ar waith er mwyn sicrhau bod pob prosiect yn elwa ar asesiad sylfaenol safonol.
• Mynd i gyfarfodydd rheolaidd y tîm a chymryd rhan ynddynt, a chefnogi arweinydd y tîm yng nghyfarfodydd y bwrdd prosiect a’r grŵp llywio.
• Rheoli’r gyllideb a ddyrennir i’r elfennau prosiect yr ydych yn gyfrifol amdanynt, a chynnal cydberthnasau â chyflenwyr trydydd parti er mwyn cyflawni gofynion gwerth am arian a phroffiliau gwariant.
• Cefnogi’r partneriaid sy’n cael eu hariannu gan CNC i gyflawni eu prosiectau, gan gynnwys darparu cymorth technegol a logistaidd, a chraffu ar ddulliau arfaethedig, er mwyn sicrhau’r canlyniadau adfer gorau posibl.
• Gweithio gyda staff Tîm yr Amgylchedd a Rheoli Tir, tenantiaid a thirfeddianwyr i helpu i gyflawni cytundebau rheoli.
• Ymgymryd â dyletswyddau a chyfrifoldebau iechyd a diogelwch sy’n briodol i’r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i’ch datblygiad eich hun drwy ddefnydd effeithiol o’ch cynllun datblygu personal (a elwir yn Sgwrs)
• Unrhyw ddyletswyddau rhesymol eraill y gofynnir amdanynt sy’n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gradd mewn pwnc perthnasol, neu brofiad sylweddol yn y ddisgyblaeth.
2. Aelodaeth o gorff proffesiynol, neu’n gweithio tuag at hynny.
3. Gwybodaeth fanwl am gadwraeth ecosystemau mawndiroedd, gyda phrofiad o asesu cyflwr safleoedd a gofynion adfer
4. Sgiliau ysgrifennu adroddiadau rhagorol, a phrofiad o ddefnyddio systemau gwybodaeth ddaearyddol i gynllunio a chofnodi gweithgareddau prosiect.
5. Gwybodaeth a phrofiad o weithredu deddfwriaeth berthnasol Cymru, y DU a’r UE, a gofynion cydsyniad sy’n gysylltiedig â gweithio ar safleoedd gwarchodedig.
6. Profiad o ddatblygu, caffael a rheoli prosiectau adfer gwaith daear cymhleth ar raddfa fawr, gan gynnwys llunio manylebau technegol, rheoli contractwyr, a defnyddio rheoliadau iechyd a diogelwch perthnasol. Arbenigedd mewn cynllunio gwaith, cyllidebu a rheoli contractau.
7. Profiad o gyfathrebu’n effeithiol ag amrywiaeth eang o bartneriaid, o reolwyr / perchnogion a deiliaid tir unigol hyd at bartneriaid strategol allweddol.
8. Y gallu i gydweithio ag eraill a gweithio’n annibynnol i gwrdd â safonau llywodraethu uchel, gan ddangos menter bersonol a sgiliau trefnu da.
9. Trwydded yrru lawn a chyfredol yn y DU.

Gofynion y Gymraeg

• Hanfodol: B1 – Lefel canolradd

Noder: Os nad ydych yn bodloni’r Gofynion y Gymraeg y rôl hon ni fydd eich cais yn cael ei ei adolygu.

Gwybodaeth ychwanegol

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir penodiadau o fewn 4 i 8 wythnos i’r dyddiad cau.

Mae’r rôl hon yn bodloni’r meini prawf ar gyfer nawdd o dan y llwybr fisa i Weithwyr Medrus. Mae Cyfoeth Naturiol Cymru yn croesawu ceisiadau gan y rhai nad ydynt yn ddinasyddion o’r DU sy’n gymwys i wneud cais o dan y llwybr hwn, yn amodol ar gadarnhad gan y Swyddfa Gartref.

Sylwer, er y gallai fod yn bosib i ni gefnogi’r Dystysgrif Nawdd sy’n ofynnol ar gyfer cais am fisa, nid yw’r sefydliad yn talu cost y fisa ei hun, gan gynnwys unrhyw ffioedd cysylltiedig ar gyfer dibynyddion.

Rhaid i’r ymgeisydd fodloni Cymhwystra a Gofyniad Fisa ar gyfer Gweithiwr Medrus y DU o hyd. Am ragor o wybodaeth, ewch i:https://www.gov.uk/skilled-worker-visa

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.