DISGRIFIAD

Mae Menter Iaith Castell-nedd Port Talbot yn chwilio am Swyddog Cymunedol brwdfrydig i ymuno â’r tîm. Prif nod y swydd yw hybu a chynyddu’r defnydd o’r Gymraeg o fewn cymunedau Castell-nedd a Phort Talbot drwy gynnal ystod eang o weithgareddau a phrosiectau.

MANYLION YCHWANEGOL

Gweithredu dyletswyddau Swyddog Cymunedol Menter Iaith Castell-nedd Port Talbot drwy ddarparu prosiectau a chynlluniau newydd. Mae’r dyletswyddau’n cynnwys:

Cynllunio a Datblygu: Llunio a gweithredu cynllun gwaith ar gyfer ardal Castell-nedd a Phort Talbot drwy ymgynghori â’r bobl leol a mesur y galw am brosiectau.

Adnabod Cyfleoedd: Nodi cyfleoedd yn ardal Castell-nedd Port Talbot i ddatblygu a gweithredu gweithgareddau, prosiectau a digwyddiadau a fydd yn cyrraedd nodau ac amcanion y Fenter.

Partneriaethau: Nodi partneriaid a mudiadau lleol y gellir cydweithio â nhw er mwyn cyflawni’r nodau a’r amcanion hyn.

Marchnata a Chyfathrebu: Rhannu negeseuon, creu posteri a marchnata digwyddiadau drwy ddefnyddio cyfryngau cymdeithasol (Facebook, Instagram, X), gwefan, cylchlythyrau ac ebyst, yn ogystal â’r papurau bro.

Cyllid a Nawdd: Nodi ffynonellau cyllid priodol ar gyfer prosiectau a pharatoi ceisiadau am nawdd mewn ymgynghoriad â’r Prif Swyddog a’r Pwyllgor Rheoli.

Gweinyddiaeth: Trefnu, mynychu a gweinyddu cyfarfodydd amrywiol yn ôl yr angen.

Cynnwys Digidol: Creu adnoddau a chynnwys digidol (gan gynnwys fideos) ar gyfer platfformau’r Fenter, gan gynnwys Facebook, Instagram, YouTube a mwy.

Cydymffurfio: Gweithredu blaenoriaethau Llywodraeth Cymru yn unol â’r galw.

Cefnogaeth Gyffredinol: Cynorthwyo â chynlluniau a digwyddiadau cyffredinol y Fenter yn ôl y galw.

Adrodd a Monitro: Adrodd yn gyson ar gynnydd prosiectau i’r Prif Swyddog, ac i’r Pwyllgor Rheoli a chyrff allanol pan fo angen.

Targedau: Adrodd ar dargedau Llywodraeth Cymru yn gywir ac yn brydlon.

Rheoli Prosiectau: Rheoli, gweithredu, gwerthuso a monitro prosiectau, gan gynnwys rheoli’r cyllid perthnasol.

Annibyniaeth: Trefnu gwaith personol heb gyfarwyddyd uniongyrchol cyson.

Cysylltiadau Cyhoeddus: Hyrwyddo delwedd gyhoeddus y Fenter drwy fynychu digwyddiadau perthnasol a sicrhau cysylltiadau da â’r wasg a’r cyfryngau.

Rheoli Amser: Rheoli amser yn effeithiol, cwrdd ag amcanion a chadw at gyllidebau, nodau a gweithdrefnau.

Datrys Problemau: Dangos parodrwydd i weithio’n greadigol gydag agwedd bositif tuag at ddatrys problemau.

Gwaith Tîm: Diweddaru gwefan y Fenter yn gyson a chydweithio fel rhan o dîm clos.

Cofnodion: Llenwi taflenni oriau a’u cyflwyno i’r Prif Swyddog yn gywir ac yn brydlon.

Datblygiad Proffesiynol: Cyfrannu at ddatblygiad proffesiynol a phersonol parhaus.

Polisïau: Gweithredu yn unol â Pholisïau a Gweithdrefnau Menter Iaith Castell-nedd Port Talbot, gan gynnwys rheoli risg a materion iechyd a diogelwch.

Gwybodaeth Sector: Meddu ar ddealltwriaeth o rôl a phwrpas y Fenter Iaith, ac ymwybyddiaeth o bolisïau a strategaethau sirol a chenedlaethol perthnasol.

Dirprwyo: Bod yn barod i ddirprwyo ar ran y brif swyddfa o bryd i’w gilydd.

Hyblygrwydd: Unrhyw ddyletswyddau rhesymol eraill yn ôl y galw.

Mae Menter Iaith Castell-nedd Port Talbot yn gyflogwr Cyfle Cyfartal ac yn croesawu ceisiadau gan bob rhan o’r gymuned.