Deiliad y swydd yw’r arweinydd arbenigol ar gyfer ymarfer clinigol therapi galwedigaethol trwy dîm therapi galwedigaethol GIG Felindre a bydd yn gyfrifol am gyflunio a chyflwyno darpariaeth gwasanaeth therapi galwedigaethol i Ofal Canser Felindre. Bydd deiliad y swydd hefyd yn gyfrifol am ddatblygu sgiliau clinigol ac arferion proffesiynol y staff therapi galwedigaethol ar draws gwasanaeth yr ymddiriedolaeth, yn ogystal â darparu addysg tîm amlddisgyblaethol ym maes therapi galwedigaethol a chanser. Bydd deiliad y swydd yn cyfrannu at oriau estynedig o fewn y tîm therapi galwedigaethol ac yn rhan o’r datblygiadau i ddarparu gwasanaeth saith diwrnod.

Arwain y tîm therapi galwedigaethol yn glinigol trwy ddarparu gwybodaeth arbenigol, asesiad holistaidd a thriniaeth i gleifion â diagnosis o Ganser. Gwneud atgyfeiriadau priodol at ddisgyblaethau eraill.

• Cynorthwyo’r rheolwyr therapïau gyda chynllunio strategol a darparu gwasanaeth therapi galwedigaethol hynod arbenigol a chymhleth, diogel a chost-effeithiol.  Bydd hyn yn cynnwys recriwtio a chadw gweithlu medrus proffesiynol ac nad yw’n broffesiynol.
• Defnyddio gwybodaeth arbenigol, profiad clinigol a barn broffesiynol i werthuso polisïau rhanbarthol a chenedlaethol sy’n ymwneud â gwasanaethau therapi galwedigaethol a’u gweithredu o fewn yr ymddiriedolaeth.
• Darparu addysg a hyfforddiant o ansawdd uchel i staff meddygol, staff nyrsio, gweithwyr iechyd proffesiynol a gweithwyr GIG eraill o fewn yr Ymddiriedolaeth, yn rhanbarthol ac yn genedlaethol.
• Cychwyn, cynnal a chydlynu ymchwil gwreiddiol ym maes therapi galwedigaethol o fewn yr Ymddiriedolaeth.
• Darparu rôl allweddol mewn gweithio mewn partneriaeth â chleifion, gofalwyr, y tîm amlddisgyblaethol a gwasanaethau cymunedol.
• Cychwyn a chynnal archwiliad ac ymchwil o fewn y tîm therapi galwedigaethol.
• Darparu cefnogaeth i reolwyr gweithredol a gwasanaeth gan ddirprwyo ar eu rhan yn ôl yr angen.

Gallu siarad Cymraeg – Siaradwr Cymraeg (Lefel 1) neu barodrwydd i weithio tuag ato