Math o gytundeb: Parhaol

Patrwm Gwaith: Llawn amser

Lleoliad: Hyblyg

Y rôl

Ydych chi’n angerddol am y Gymraeg? Oes gennych chi sgiliau iaith da a chreadigol? Ydych chi’n mwynhau helpu eraill gyda’u hanghenion o ran y Gymraeg? Rydyn ni’n chwilio am gyfieithydd profiadol i ymuno â Cyfoeth Naturiol Cymru (CNC) fel Uwch Gyfieithydd yn ein Tîm Cyfieithu prysur.

Gan adrodd i Arweinydd y Tîm Cyfieithu, byddwch yn ymuno â thîm bach o gyfieithwyr ac yn arwain o ran sut mae CNC yn ymgysylltu â’r cyhoedd a rhanddeiliaid gyda Chymraeg clir, cywir a chreadigol mewn modd amserol ac i safon uchel.

Yr hyn y byddwch chi’n ei wneud

• Darparu gwasanaeth cyfieithu a phrawfddarllen o ansawdd uchel sy’n canolbwyntio ar gwsmeriaid
• Cyfieithu a phrawfddarllen amrywiaeth eang o ddogfennau i safon uchel iawn i gwrdd ag anghenion ein polisi Iaith Gymraeg a’n harddull ysgrifennu mewnol.
• Arwain y gwaith o sicrhau ansawdd digonol ar gyfer gwasanaeth allanol CNC, gan fonitro ar gyfer cysondeb a glynu at arddull mewnol.
• Cyfathrebu’n effeithiol â chwsmeriaid i ddarparu lefel uchel o wasanaeth a rheoli disgwyliadau yn effeithiol.
• Gweithio’n fanwl gywir er mwyn cynnal safonau proffesiynol.
• Cynnal a chadw system gadw cofnodion er mwyn olrhain galw a chostau.
• Datblygu perthynas a chysylltiadau yn fewnol ac allanol er mwyn cefnogi darpariaeth well o wasanaethau dwyieithog.
• Darparu cyngor cyfieithu arbenigol i aelodau eraill o’r tîm, gan ddefnyddio doethineb a’ch sgiliau proffesiynol, yn arbennig o ran cysondeb a’r defnydd o derminoleg.
• Mentora a chynorthwyo aelodau eraill o’r tîm a mynd ati’n weithredol i chwilio am ffyrdd o wella yn y tîm ehangach.
• Ymgymryd â dyletswyddau a chyfrifoldebau iechyd a diogelwch sy’n briodol i’r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i’ch datblygiad eich hun drwy ddefnydd effeithiol o eich cynllun datblygu personol (a elwir yn ‘Sgwrs’ yn CNC).
• Unrhyw ddyletswyddau rhesymol eraill y gofynnir amdanynt sy’n gymesur â gradd y rôl hon.

Eich cymwysterau, profiad, gwybodaeth a sgiliau

1. Profiad helaeth o weithio fel cyfieithydd.
2. Gwybodaeth weithredol o Microsoft Office a meddalwedd cof cyfieithu.
3. Y gallu i ddatblygu a chynnal perthnasoedd gwaith effeithiol.
4. Aelodaeth lawn o Gymdeithas Cyfieithwyr Cymru, neu barodrwydd i weithio tuag at aelodaeth lawn.
5. Ymwybyddiaeth o Safonau’r Gymraeg a pholisïau cysylltiedig sy’n ymwneud â’r Gymraeg.
6. Sgiliau rhyngbersonol da, yn ysgrifenedig ac ar lafar.
7. Ymwybyddiaeth o Safonau’r Gymraeg a pholisïau cysylltiedig sy’n ymwneud â’r Gymraeg.
8. Dealltwriaeth a gwybodaeth am gylch gwaith, rolau, polisïau a blaenoriaethau CNC.
9. Y gallu i wneud penderfyniadau da, yn arbennig o ran terminoleg a’r defnydd o’r Gymraeg.

Gofynion y Gymraeg

• Hanfodol: C2 – Lefel hyfedredd uwch

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w ddefnyddio